Një 24-vjeçar ka humbur jetën mëngjesin e sotëm si pasojë e një aksidenti në zonën e Linzës në Tiranë. Mësohet se një automjet ka rënë nga 20 metra lartësi dhe 24-vjeçari me inicialet A.S., ka humbur jetën menjëherë.
Përveç forcave të policisë në vendin e ngjarjes ka shkuar edhe forcat zjarrfikëse, të cilat kanë bërë të mundur nxjerrjen e viktimës nga mjeti.
“Më datë 05.10.2016, tek numri i emergjencave 112, ka ardhur një telefonat për një mjet i cili kishte dalë nga rruga në Linzë. Menjëherë kanë shkuar shërbimet e Komisariatit të Policisë Rrugore Tiranë ku kanë konstatuar mjetin tip “Mercedes Benz”, i cili kishte dalë nga rruga e për pasojë kishte rënë nga një lartësi rreth 20 m. Si pasojë e këtij aksidenti ka humbur jetën drejtuesi i mjetit shtetasi A. S., 24 vjeç. Në mjet nuk janë konstatuar pasagjerë. Grupi hetimor në vendin e ngjarjes po punon për gjetjen e shkakut të daljes së mjetit nga rruga”, njofton policia.
