Manchester United ka zhgënjyer në “Old Trafford” ndaj Stoke të vendit të fundit pasi nuk ka shkuar përtej barazimit 1-1. “Djajtë” kaluan në avantazh me anë të Anthony Martial, por një përgjumje e mbrojtjes dhe portierit De Gea i dha mundësinë Stoke të vendoste baraspeshën, pesë minuta para fundit.
Manchester United ka marrë 13 pikë pas 7 ndeshjeve të para, më pak se 40% ndërsa vetë Mourinho ka thënë se duhen 75% e pikëve për të pretenduar titullin.
Juventusi mposht Empolin
Juventus “kërcen” tango kundër Empolit, me Dybalan dhe Higuainin, që i japin 3 pikë pas një fitoreje me 3 gola bardhezinjve, që ruajnë kryesimin në Serinë A. Pasi shpërdoroi pa fund në pjesën e parë, Juventus zgjidhi ndeshjen në fraksionin e dytë, ku në pesë minuta shënoi 3 herë duke marrë fitoren e radhës. Dybala ishte ai që hapi siparin e golave në minutën e 65-të, ndërsa dy minuta më pas ishte Higuan që realizoi dhe golin e 2-0.
Empoli pa e marrë ende veten nga goli i 2-të pësoi dhe të tretin me Higuain që u konfirmua si lideri i sulmit të bardhezinjve duke vulosur rezultatin përfundimtar në 3-0.
