Policia e Tiranës njofton se një shpërthim eksplozivi ka ndodhur në orët e para të mëngjesit në një banesë në Kamëz, fatmirësisht pa shkaktuar lëndime në njerëz.
Shpërthimi ka ndodhur rreth orës 02:25, në rrugën “Athina”, në Kamëz, në oborrin e banesës së shtetases D. S..
Si pasojë e këtij shpërthimi nuk ka patur dëme në njerëz por vetëm dëme shumë të lehta materiale, ku është deformuar pjesa e poshtme e portës së jashtme. Dyshohet se shpërthimi ka ndodhur nga një sasi e vogël lënde plasëse. Policia ka nisur punën për identifikimin e kapjen e autorit të ngjarjes.
