Ish-kryeministri Sali Berisha ka publikuar në Facebook mesazhin e një qytetari dixhital që akuzon kreun e PS në Kukës, Gëzim Omuri se kultivon kanabis në një nga fshatrat e rrethit. Sipas denoncuesit, Omuri, është nën hetim edhe për një vrasje të ndodhur në Kukës.
“Qytetari dixhital denoncon: Kryetarin e PS të Kukësit me ara kanabisi!”, shkruan Berisha duke publikuar edhe mesazhin e qytetarit.
“Përshëndetje desha të bëja një denoncim me foto. Gëzim Omuri, ish-drejtor tatimesh, para ca muajsh dha dorëheqjen sepse u kap duke lëshuar vërtetime, duke i shkaktuar shtetit mbi një miliard dëm. Ky është truri i PS në Kukës, pretendent për Drejtor Dogane në Morinë. Personi në fjalë ka të mbjellë në fshatin Kalis mbi 300 rrënjë kanabis. Ky hetohet edhe për një vrasje të ndodhur në Kukës. Në bashkëpunim me Krenar Lashin nga fshati Kalis. Të lutem dua të mbetem anonim. Të uroj jetë të gjatë”, shkruan qytetari dixhital.
