Policia greke ka sekuestruar 250 kg drogë në kufirin greko-shqiptar. Sipas mediave greke, droga e llojit marijuanë u kap në fshatin Dhespotiko, Janinë.
Mësohet se policia greke ndoqi një mjet që ishte furnizuar në kufirin e gjelbër për disa kilometra dhe më pas arriti ta ndalonte në fshatin Dhespotiko.
Pas kontrollit, në makinë u gjetën 104 pako me gjithsej 250 kg marijuanë. Në automjet ndodheshin dy shtetas grekë, 37 dhe 61 vjeç, të cilët u arrestuan.
