Policia rrugore, vetëm në një ditë 650 gjoba

Policia rrugore në Tiranë po vepron me shumë zell në vendosjen e gjobave për rripin e sigurimit, përdorimin e telefonit por edhe për parkimin e gabuar. Shefi i policëve, Ervin Hasrama në një intervistë për “Gazeta Shqiptare” u shpreh se është rritur ndjeshëm numri i gjovave. Ai tha se vetëm në tre muajt e fundit  janë vendosur 40 mijë e 749 gjoba. Ndryshe,  janë rreth 650 gjoba vetëm në një ditë në Tiranë. Numrin më të madh të gjobave e marrin ata që parkojnë gabimisht, ata që përdorin celularin, për mospërdorim të rripit të sigurimit apo parakalimet e gabuara. Kush ka një makinë në Tiranë e di se përveç trafikur të rënduar, rrugicave të ngushta apo mungesës së vendeve të parkimit duhet t’i mbajë sytë katër edhe nga policët e rrugores. Më shumë se rregullues apo këshillues të drejtuesve të mjeteve, kohët e fundit ato janë kthyer në gjahtarë të mirëfilltë gjobash. Gjobat do të ishin të justifikuara nëse o të ndikonin në një trafik më të lehtësuar në Tiranë, por mjafton të dalësh në një orë çfarëdo të ditës për të kuptuar se lëvizja me makinë mbetet një odise e mundimshme që sa vjen e bëhet më e vështirë.