Gjatë intervistës së kryeministrit Edi Rama përballë gazetarit Blendi Fevziu u diskutua dhe rrahja e bizesmenit libanez Fadi Mitri i cili u largua së bashku me biznesin e tij nga Shqipëria.
Blendi Fevziu denoncoi me anë të një foto mbrëmë në “Opinion”, agresorin e mundshëm të biznesmenit i cili nuk është arrestuar, por rezulton i shpallur në kërkim nga policia.
Gjatë intervistes me Kryeministrin Edi Rama, Fevziu tha se këtë foto ia kishte dhënë biznesmeni që u largua nga Shqipëria pasi u rrah keqazi në rrugë.
Kryeministri Edi Rama përsëriti disa herë se agresorët e biznesmenit janë arrestuar nga policia.
Ndërsa personi qe identifikoi veten ne foto, mohoi te ishte ai agresori i biznesmenit. Ai dergoi nje sms te telefonin e Fevziut, duke mohuar lidhjen me ngjarjen.
Edhe pse mbrëmë nuk iu bë publik emri, sot janë burimet policore ato që thonë se bëhet fjalë për shtetasin Landi Muharremi. Personi që u denoncua në “Opinion” rezulton i shpallur në kërkim. Theksojmë se informacioni mbi emrin e personit nuk është zyrtar, por nga burimet gazetareske.
