Aleanca Kundër Importit të Plehrave (AKIP), ka reaguar pas deklaratës në anglisht të Ambasadës së SHBA-ve në Tiranë, e cila njoftonte qytetarët amerikanë të jenë vigjilentë pasi ditën e nesërme opozita organizon një protestë kundër ligjit për importin e mbetjeve…jo të rrezikshme.
Mirëpo, AKIP shkruan se protesta organizohet nga ata dhe jo nga opozita, duke kërkuar nga Ambasada që të korrigjojë njoftimit.
“Lidhur me njoftimin zyrtar të Ambasadës Amerikane per marshimprotesten e dites se neserme kunder importit te plehrave, I bejme me dije Ambasades Amerikane se autoresia e kesaj proteste I takon Aleances Kunder Importit te Plehrave, AKIP, qe eshte nje grupim vullnetaresh qytetare dhe ojfsh. Leja per protesten e neserme eshte dergur nga AKIP. I kerkojme menjehere Ambasades Amerikane te korigjoje menjehere tekstin pasi sipas njoftimit te saj, kjo proteste organizohet nga opozita. Ju faleminderit, AKIP”, thuhet në deklaratën e AKIP.
