Trajneri i kombëtares shqiptare, Xhani De Biazi, ka dhënë një intervistë për “Tuttomercatoweb”, ku ka analizuar sfidat e sotme të Europa League, por edhe zërat për një interesim të Dinamos së Zagrebit, për ta pasur trajner të saj.
Për të gjitha skuadrat italiane është një ditë e favorshme në Kupat e Europës…
Qarabag nuk është keq, edhe pse Fiorentina është më lart. Për këtë arsye, vjollcët janë para një testi të mirë. Edhe Roma, në letër duhet të bëjë një paraqitje pozitive kundër Astra Giurgiu. Në kampionat, verdhekuqtë kanë pasur disa pengesa, por duke pasur parasysh katër dekadat e kapitenit, ndoshta do të ketë një vullnet ekstra për të marrë fitoren.
Seria A: Juventus, Napoli dhe pastaj?
Të mos harrojmë Interin, i cili nuk ka angazhime në Ligën e Kampionëve, kështu që mund të përqendrohet më shumë në kampionat. E shoh Interin si një ekip të ndërlikuar për këdo.
Dhe ekipi juaj kombëtar?
Ne kemi një seri ndeshjesh. E para në radhë mund të tingëllojë e lehtë, por nuk është kështu. Pas Lihtenshtejnit do të përballemi me Spanjën, e cila është kthyer në nivelet e disa vite më parë dhe ka lojtarë të mëdhenj në organikë. Niveli teknik e lojtarëve të kombëtares spanjolle është i mahnitshëm, mjafton të kujtosh disa, si Diego Costa, David Silva, Jordi Alba. Me pak fjalë, një ndeshje dosido.
A është e vërtetë se mund të shkoni te Dinamo e Zagrebit?
Jo. Nuk kam asnjë thirrje. Dhe pastaj, unë kam një kontratë me Federatën Shqiptare të Futbollit. Jam i lumtur si trajner i këtij ekipi kombëtar. Kam ndërmend ta respektoj angazhimin tim.
