Një tren pasagjerësh është përplasur sot në një stacion hekurudhor në qytetin Hoboken, në Nju Xhersi, duke shkaktuar të paktën tre vdekur dhe mbi 100 të plagosur.
Mediat amerikane thonë se treni çau barrierat dhe u fut mes për mes stacionit, në zonën e hollit.
Pasagjerët në tren thanë se edhe pse po i afrohej terminalit, treni nuk e uli shpejtësinë në asnjë moment dhe u përplas me shpejtësi të lartë në stacionin ku dhjetëra mijëra njerëz e përdorin në qytetin e Nju Jorkut çdo ditë.
Hoboken është 7 milje larg Nju Jrokut. Dhe shumica e njerëzve përdorin trenin e kësaj linje për të udhëtuar për në Manhatan.
Ben Faiclough, një dëshmitar që ndodhej në stacion, tha për BBC-në treni kishte dalë plotësisht nga shinat.
“Unë nuk isha në tren, por mbërrita pasi ngjarja kishte ndodhur. Pashë njerëzit që dilnin nga dritaret e trenit. Kishte njerëz që ulesh në tokë me gjak në kokë. Kishte shumë të plagosur. Disa prej tyre kane ngecur ne tren”.
Policia tha se përplasja nuk duket të jetë një akt terrorizmi.
