Prokuroria e Krimeve të Rënda ka nisur hetimet për skandalin e korrupsionit që u publikua sot në emisionin “Stop” ku një oficer merrte 18 mijë euro për t’ja çuar prokurorit A.B. në këmbim të zhbllokimit të një shume prej 120 mijë eurosh të bllokuara si para të pista. Prokurori është pezulluar nga detyra, ndërkohë që ndaj tij ka edhe një urdhër-ndalimi, por për shkak se nuk është gjetur në shtë ai është shpallur në kërkim.
Edhe oficeri i Prokurorisë së Tiranës Fatos Lushi që kishte rolin e sekserit është shpallur në kërkim menjëherë pas publikimit të rastit. Ndaj tij është prerë një urdhër-arresti me akuzën për korrupsion. Oficeri ka hetuar një sërë çështjet të famshme, me personazhe të tilla.
Mësohet se Lusha ka qenë 15 vite oficer ushtarak pranë prokurorisë por këtë vit është emëruar oficer i prokurorisë së Tiranës. Ai ka hetuar gjithashtu edhe çështjen e Tom Doshit për pastrim parash.
Po kështu ka hetuar edhe dosjen e përgjimit të kryepolicit Haki Çako, parkun e liqenit të Veliajt, trukimet e ndeshjes së Skënderbeut, hetimin e rrëzimit të helikopterit të ushtrisë në Shkodër, etj.
