Tre punonjësit, përfshirë një shtetas gjerman që kanë punuar për shtëpinë botuese Zirve, ishin therur ngjatë një sulmi të kryer mbi godinën e shtëpisë botuese në Malatya, Turqi.
Një gjykatë e Turqisë ka dënuar të mërkurën me burg të përjetshëm pesë persona të përfshirë në vrasjen e vitit 2007 të tre misionarëve të krishterë që kanë punuar në një shtëpi botuese të Biblave, raporton Anadolu Agency (AA). Slmi ndodhi më 18 prill të vitit 2007.
Gjykata e Lartë për Krime në Malatya dha dënimet për shtetasit Emre Gunaydin, Abuzer Yildirim, Hamit Ceker, Salih Gurler dhe Cuma Ozdemir, për vrasje me paramendim.
Gjykata në kuadër të punimeve ka liruar 16 të dyshuar, përfshirë gjeneralin në pension, Hursit Tolon, të cilët akuzoheshin më herët për pjesëtarë të një organizate terroriste.
Ndërkohë, koloneli ne pension Mehmet Ulger u dënua me 13 vjet e 9 muaj heqje lirie për “shkelje të konfidencialitetit të komunikimit dhe falsifikimit të dokumenteve zyrtare”.
Tolon dhe Ulger ishin arrestuar në vitin 2011 pasi një vrasje ishte përfshirë në gjykimin kundër komplotit për puç të njohur me emrin Ergenekon.
Procesi Ergenekon ngarkonte një rrjet të nacionalistëve turq për përgatitje të puçit për të rrëzuar qeverinë e atëhershme.
