Interi ka përmirësuar bilancin financiar dhe ka evituar në këtë mënyrë penalizimin nga UEFA në zbatim të rregullave të “fair play-t financiar”.
Asambleja e aksionerëve miratoi financat e klubit, me zikaltrit që kanë bërë hapa përpara përsa i takojnë shifrave në krahasim me sezonet e kaluara.
Nga afro 141 milionë euro humbje të vitit të kaluar, tashmë bilanci negativ i Interit ka shkuar në 50 deri në 60 milionë euro.
Një përmirësim i situatës, që pavarësisht investimeve në merkato dhe strukturave të klubit, pritet të vazhdojë, në synimin për të arritur objektivin e 30 milionë eurove humbje dhe të largojë përfundimisht rrezikun e sanksioneve nga UEFA.
