Një 21-vjeçar nga Australia është cilësuar si njeriu më i pafat në vend pasi e pickoi merimanga për herë të dytë në një vend të pazakonshëm.
21-vjeçari po përdorte një tualet portativ, kur u pickua nga merimanga helmuese në penis. Një incident i ngjashëm i ndodhi pesë muaj më parë.
Jordan tha se është pickuar pak a shumë në të njëjtin vend. “Isha ulur në tualet dhe ndjeva pickimin si herën e parë. Nuk e besoja që po ndodhte sërish. U ula poshtë dhe pashë ca këmbë të vogla”.
Ai tha për BBC se pasi e pickoi merimanga për herë të parë, vendosi të bëjë kujdes me tualetet portative.
“Tualetet ishin pastruar atë ditë ndaj u futa. Pashë mirë poshtë dhe u ula. Ajo që mbaj mend më pas ishte se isha përthyer nga dhimbjet”.
Kolegët e tij e dërguan në spital. Spitali në Sidnei nuk bëri komente për ngjarjen, duke cituar si arsye privacinë e pacientit.
Jordan ka dalë tani nga spitali dhe do kthehet në punë. Ai thotë se nuk do përdorë më tualtet portative.
Merimanga shpinëkuqe është e ngjashme me vejushen e zezë. Pickimi i saj shkakton dhimbje të forta, djersitje dhe të vjella.
Edhe pse ka pasur raste kur ka shkaktuar vdekje, asnjë i tillë nuk është regjistruar që kur u gjet anti-helmi në vitin 1956.
