Banorët e fshatit Plykë të Fierit dolën në protestë kundër impiantit të mbetjeve që po ngrihet pranë shtëpive të tyre.
Protestuesit bllokuan rrugën që lidh Fierin me Ballshin duke kërkuar që impianti i djegies së plehrave të zhvendoset dhe të mos ndërtohet në fshatin e tyre. “Nuk do pranojmë plehrat në fshatin tonë. Nuk jemi informuar për ndërtimin e impiantit”, pohuan banorët. Banorët nuk janë informuar më parë në lidhje me projektin, duke pretenduar se edhe matjet janë bërë në mënyrë të fshehtë. Ndërkohë, burime nga Ministria e Mjedisit bënë me dije se ky impiant do të ngrihet në fshati Portëz dhe jo në Plykë.
