Një i ri shqiptar ka alarmuar autoritetet italiane pasi është zhdukur për ditë të tëra sapo ka mbërritur tek vëllai i tij. Mësohet se 24-vjeçari kishte shkuar tek vëllai i tij në Venezia por ishte larguar nga shtëpia pa lënë gjurmë.
Pas 4 ditësh kërkime dhe frike të tmerrshme tek familjarët e tij pas dyshimeve se mund të kishte vdekur, 24-vjeçari u gjet në gjendje të mirë shëndetësore në stacionin e trenit.
Në kërkime përveç policisë morën pjesë edhe zjarrfikësit. I riu nuk kishte telefon me vete si dhe nuk dinte të komunikonte në italisht. Përveç kësaj kishte probleme shëndetësore çka ka rritur më shumë alarmin. Por, gjithçka në fund u mbyll me një fund të gëzuar pasi 24- vjeçari u gjet në gjendje të mirë shëndetësore.
