Koalicioni i Vëzhguesve Vendor publikoi sot raportin e monitorimit të zgjedhjeve të pjesshme vendore në Dibër.
KVV evidenton mjaft probleme në këto zgjedhje, të cilat cënuan cilësinë duke mos garantuar standarde zgjedhore demokratike dhe europiane.
Koalicioni ngre shqetësimin e blerjes së votës dhe presionit ndaj zgjedhësve, ndërsa thotë se reagimi institucional ishte tejet i ulët, për t’i dhënë zgjidhje problemeve.
Përballë këtyre shqetësimeve, Koalicioni i Vëzhguesve Vendor, ofron 9 rekomandime për ndryshime në kodin zgjedhore. Ngritja e një strukture pranë prokurorisë për trajtimin e rasteve të korrupsionit zgjedhor qëndron në thelb të shqetësimit që duhet ti jepet zgjidhje.
Gjithashtu koalicioni rekomandon që t’i hiqet e drejta zyrtarëve dhe funksionarëve shtetërorë të marrin role drejtuese në veprimtaritë e fushatave zgjedhore sidomos kur ato i përkasin zgjedhjeve për qeverisjen vendore.
