Corriere Dello Sport shkruan sot se mbrojtësi shqiptar Elseid Hysaj do të rinovojë së shpejti me Napolin.
Corriere shkruan se mbrëmjen e së hënës Presidenti De Laurentis dhe Hysaj kanë gjetur gjuhën e përbashkët për zgjatjen e kontratës me pesë vite të tjera, me opsionin e rinovimit plus një.
Klauzola e largimit të mbrojtësit “Kuqezi” është përcaktuar në 50 milionë euro, një shifër marramendëse për një mbrojtës e që praktikisht blindon shkodranin. Në klauzolë përfshihet që kjo vlerë nuk është për brenda Italisë, nga frika se mos Juventusi blen mbrojtësin shqiptar siç bëri me Higuain.
Sa i takon pagës së futbollistit, Corriere thotë se kontrata e re përcakton një shifër që varion nga 1.6 deri në 2.3 milionë euro në sezon, në varësi të rendimentit të lojtarit në fushë.
