Kandidati për kreun e LSI-së, Shezai Rrokaj tha sot se nuk është në garë me Ilir Metën për drejtimin e kësaj partie, por se është në garë me alternativat që do të ofrojë.
“Kryetari i partisë, Ilir Meta është projektues, nuk e ka marrë si trofe nga të tjerët LSI-në. Është një vlerë e jashtëzakonshme. LSI është pasuri kombëtare dhe është pasuri e të gjithë neve. Dhe në këtë kuptim të gjithë duhet të shtojmë nga pak për ta bërë këtë projekt, këtë parti, një forcë të madhe. Kështu që unë nuk jam në garë me Ilir Metën, jam në garë me mendimet dhe me alternativat që do të shpalos dhe në fund të ditës do ta nxjerrin fituese LSI-në”, tha Rrokaj në një takim me të rinjtë.
