Kryeministri Edi Rama duket se e ka lënë pas krahëve debatin për importin e mbetjeve.
Ai ishte sot në eventin e “FRESSH Voice”, ku kërkoi nga të rinjtë që të përfshihen në politikë, ndërkohë që nuk foli aspak për importin e mbetjeve.
E si për ironi tha se “politika ka një fuqi që mund të bëjë keq që nëse lihet në pak duar dhe në duar të gabuara, por patjetër që fuqia e saj është e jashtëzakonshme për të ndryshuar për mirë”, tha Rama.
Kjo fjali vjen pikërisht kur kryeministri kritikohet ashpër se me vendimin e tij të gabuar për mbetjet po i bën dëm Shqipërisë.
Më tej Rama kërkoi përfshirjen e sa më shumë të rinjve në politikë si e vetmja rrugë për të ndryshuar gjërat në këtë vend, por edhe për të shmangur devijimin e saj.
