Menaxheri Mino Raiola, ka zbuluar negociatat e zhvilluara për kalimin e Pol Pogba nga Juventus tek Manchester United. Ai thotë se transferimi nuk është realizuar vetëm me një mal me parà, 105 mln euro, por edhe një presion shumë i fortë
“Këtë verë isha në tratativa me Manchester United për Pogba. Ibra më mori në telefon dhe më tha se, nëse nuk e çoja atje do të më thyente këmbët”, deklaron Raiola.
Më tej, ai shprehet se, ende nuk e ka kuptuar pse Ferguson nuk e donte Pogbanë, ndërsa mendon se francezi nuk ka ende një vend të përcaktuar në fushë.
“Nuk ka ende një pozicion në fushë, për mua do të luante në mesfushë i avancuar majtas, por vendos Mourinho. Vlera e shitjes është fryt i një punë të gjatë dhe rezultateve të futbollistit”, deklaoi Raiola.
