Deputeti i Partisë Socialiste Namik Dokle është i pari që reagon në lidhje me publikimin e listës me të ardhurat e politikanëve.
Namik Dokle është i radhitur ndër vendet e para sa i takon pasurisë, e për këtë ai ka dhënë një sqarim. Në një status në rrjetin social Facebook, Dokle thotë se jeton vetëm me rrogën e tij, pa asnjë pasuri të lënë me qera, depozita bankare, apo të ardhura dytësore.
E megjithatë ai sqaron se përse të ardhurat e tij ja kalojnë në këtë listë shumë deputetëve biznesmenë. Ai thotë se në të ardhurat e tij i është llogaritur edhe paga që merr vajza e tij si mjeke në një spital privat në shtetin e Italisë, ku është edhe anëtare e Urdhrit të Mjekut italian.
“Paga e saj është 5.8 herë më e madhe se paga e një deputeti shqiptar, por është pasuri e familjes së saj dhe të mos harroj që nga kjo shumë që “llogaritet si e imja”, rreth 40 % shkon në buxhetin e shtetit italian si taksë e paguar rregullisht”, shkruan Dokle./Gazeta Express/
