Policia e Elbasanit njoftoi sot se ka arrestuar të dyshuarin që aksidentoi për vdekje një fëmijë 8-vjeç.
Sipas policisë, në pranga është vënë Xhevat Sula, banues në fshatin Thanasaj Lushnje.
“Duke drejtuar mjetin tip “Benz“ Kamionçinë me targa LU 6826 B, në fshatin Gjocaj Peqin, ka aksidentuar me pasojë vdekje S.B., 8-vjeç, banues në këtë fshat”, shtojnë të njëjtat burime.
Materialet për këtë rast i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkelja e Rregullave të Qarkullimit Rrugor”.
