Pak muaj pasi qeveria Rama kishte ndaluar importin e të gjitha mbetjeve, një dokumentar i “Journeyman.tv” tregonte me fakte se mbetjet në Shqipëri vazhdonin të futeshin, madje edhe ato të rrezikshmet.
Dokumentari rreth 29 minuta titullohej “Vendi i Mbeturinave/ Si po bëhet Shqipëria mali i plehrave europiane”.
Gazetarët raportonin se megjithë ndalimin e importit nga qeveria Rama, ky aktivitet vazhdonte, kryesisht për letrën dhe skrapin. Ata intervistuan edhe kryeministrin Rama, i cili në mënyrë të prerë mohonte importin.
Faktet tregonin të kundërtën e asaj që thoshte kryeministri i Shqipërisë në mikrofonin e gazetarëve të huaj.
Shqipëria, – thuhet në këtë dokumentar, – vazhdon të jetë e kërcënuar nga një katastrofë ekologjike dhe e rrezikon të bëhet mali i plehrave europiane.
Ndërsa ditën e enjte në seancën parlamentare mazhoranca e drejtuar nga Edi Rama dërgoi në parlament një ligj të ri për plehrat, jo për të shtrënguar masat për të mos lënë që mbetjet e Euvopës të hyjnë në Shqipëri, por për ta legalizuar ardhjen e tyre.
https://www.youtube.com/watch?v=asxWOMuRHH4
