‘Ëndrra’ e qytetarëve të Tiranës bëhet realitet, nga e hëna sheshi “Skënderbej” do të bllokohet për t’i lënë vend punimeve.
I kthyer prej kohësh në gangrenë, qarkullimi në metropolin shqiptar duket se do të njohë ditë edhe më të këqija, pas 26 shtatorit.
Bashkia e Tiranës ka njoftuar qytetarët e Tiranës se duke nisur nga dita e Hënë, do të bëhet bllokimi i trafikut për kalimin e automjeteve në segmentin nga Muzeu Historik Kombëtar në drejtim të Ministrisë së Energjisë, kjo për shkak të zbatimit të fazës së parë të projektit të “Rikualifikimit Urban të Sheshit Skënderbej”,
Qarkullimi i makinave do të vijojë normalisht përpara Muzeut Historik Kombëtar në drejtim të Rrugës së Durrësit, si dhe në rrugën përpara selisë së Partisë Socialiste. Punimet e kësaj faze do të zgjasin 12 muaj, pra për 12 muaj qytetarët e Tiranës më mirë të kyçin makinat.
