Një autobus i linjës Tiranë- Athinë me 41 pasagjerë ka dalë nga rruga dhe është përmbysur në aksin Gjirokastër- Tepelenë te ‘Uji i Ftohtë’.
Mësohet se 24 persona kanë mbetur të plagosur, ndërsa 17 nuk kanë pësuar lëndime.
Aksidenti ka ndodhur rreth orës 05:00 të mëngjesit të ditës së sotme, ndërsa autobusi kthehej nga Greqia.
Të plagosurit janë dërguar për mjekim në spitalin e Gjirokastrës. Autobusi i aksidentuar me targa TR 5631 drejtohej nga Ilia Silos 50-vjeç.
Pas njoftimit policia ka mbërritur në vendin e ngjarjes duke nisur hetimet për shkaqet e aksidentit, ndërsa nga të dhënat e para mësohet se autobusi ka dalë nga rruga duke u përplasur me bordurën dhe më pas duke u përmbysur si pasojë e lagështirës në rrugë nga reshjet e shiut.
