Shoferi i autobusit të linjës Tiranë-Athinë që u aksidentua sot në afërsi të Ujit të Ftohtë në Tepelenë është vënë në pranga pasditen e sotme.
Policia thotë se në përfundim të veprimeve të para nga shërbimet e policisë është bërë arrestimi në flagrancë i drejtuesit të autobusit Ilia Silo, 50 vjeç, banues në Greqi.
Ai akuzohet për veprën penale “Shkelje e rregullave të qarkullimit rrugor”.
Aksidenti ndodhi në orët e para të mengjesit në aksin rrugor Gjirokastër-Tepelenë, në vendin e quajtur “Uji i Ftohtë”, në një kthesë, ku autobusi me targa TR 5631 U, ka dalë nga rruga dhe është përmbysur, ku si pasojë janë lënduar 28 pasagjerë.
