Një aksident tragjik ka ndodhur në aksin Lezhë-Shkodër, pasditen e sotme si pasojë e të cilit ka humbur jetën një grua dhe janë plagosur 5 persona.
Një automjet tip “Benz” me targa AA 182 LZ dhe një “Audi” me targa AA 374 AR janë përplasur pranë kryqëzimit të Blinishtit. Përplasja ka qenë fatale dhe ka humbur jetën 50-vjeçarja Fatmira Ndregjonaj. Dy të plagosur janë dërguar në Spitalin e Traumës në Tiranë, ndërsa 3 të tjerë ndodhen në spitalin e Lezhës.
Policia por edhe një zjarrfikëse kanë shkuar në vendin e ngjarjes si dhe ambulanca, e cila ka transportuar të plagosurit në spital.
