Policia e Fierit ka shpallur në kërkim 41 -vjecarin i cili rrëmbeu një adoleshent në Mallakastër. Sipas policisë shtetasi me iniciale I.L, akuzohet se ka marrë peng 18 -vjeçarin E.Sh, e lidhi me litar në pyllin e fshatit Kalenjë dhe i mori aparatin celular.
Mësohet se autori pretendonte se kallëzuesi i kishte vjedhur atij sende personale. E për këtë e mori forcërisht, e lidhi në pemë dhe i mori aparatin Iphone 4.
Pasi adoleshenti ka bërë denoncimin në polici, uniformat blu kanë shpallur në kërkim 41vjeçarin i cili akuzohet për “heqje e paligjshme e lirisë” dhe “vjedhje”.
