Dy punonjës të burgut të Fierit janë arrestuar në flagrancë, pasi janë kapur me një sasi droge në trup, teksa futeshin në ambientet e burgut.
Sipas të dhënave zyrtare, Seksioni për Hetimin e Narkotikëve në Drejtorinë Vendore të Policisë Fier në bashkëpunim me I.E.V.P. Fier, arrestoi në flagrancë dy të rinjtë:
- Ledio Pashaj, 21 vjeç, banues në fshatin Cakran, Fier.
- Lusiano Rexha, 26 vjeç, banues në Cakran, Fier.
Të dy të arrestuarit ishin me detyrë punonjës policie në regjimin e brendshëm të burgut Fier.
Arrestimi i tyre u bë pasi në bazë të informacioneve që disponoheshin, se këta punonjës fusnin lëndë narkotike brenda tek të dënuarit, më datën 20.09.2016, ora 14:15, gjatë kontrollit fizik të ushtruar këtyre punonjësve, Nëninspektor Ledio Pashaj dhe Lusiano Rexha, në pjesën e fundshpinës i janë gjetur dy paketime të mbështjella me letër celefoni me lëndë narkotike Cannabis Sattiva me peshë 11.1 gram, të cilat u sekuestruan në cilësinë e provës materiale.
Nga kontrolli i banesës së shtetasit Lusiano Rexha janë gjetur dhe sekuestruar një sasi prej 41 gramë lëndë narkotike e dyshuar Cannabis Sattiva.
Ndaj tyre rëndojnë akuzat “Prodhim dhe shitje e narkotikëve”, “Futja ose mbajtja e sendeve të ndaluara në institucionin e ekzekutimeve të vendimeve me burgim” dhe “Shpërdorim i detyrës”.
