Nëntë ditë pasi ka gjetur kufomën e një mashkulli në Kodrat e Selitës, policia e Tiranës është dorrëzuar për identifikimin e saj.
Në një njoftim, ajo iu bën thirrje qytetarëve për ndihmë. Policia thotë se kufoma i përket një mashkulli të moshës rreth 20 vjeç dhe gjatësi mbi 160 cm.
Së bashku me skeletin janë gjendur: një palë atlete “adidas”, një palë tuta, ngjyrë blu si dhe të brendshme ngjyrë gri me mbishkrimin “Men Sport”.
“I lutemi qytetarëve, se për ç’do informacion që mund të kenë në ndihmë, për të bërë të mundur identifikimin e këtij skeleti, ju lutemi të kontaktoni në numrin e telefonit pa pagesë 112 ose në numrin e telefonit 0694110202”, theksohet në njoftimin e policisë.
Kufomës i mungonin gjymtyrët, ndërsa koka është gjetur e shkëputur nga trupi. Dyshohet se viktima ka të paktën 1 vit që ka ndërruar jetë.
