Policia e Fierit ka arrestuar një person të shpallur në kërkim ndërkombëtar për shfrytëzim prostitucioni.
Në bazë të informacioneve të mara dhe punës së bërë, nga Specialistët e Seksionit për Hetimin e Trafiqeve në Drejtorinë Vendore të Policisë Fier, u bë e mundur kapja dhe ndalimi i shtetasit të shpallur në kërkim ndërkombëtar: Albano Alimadhi, 29 vjeç, banues në Fier.
Ky shtetas ishte shpallur në kërkim ndërkombëtar pasi gjykata Italiane e qytetit të Bergamos ka vendosur masën e sigurisë “Arrest me burg” për veprën penale të “Shfrytëzimit të prostitucionit”.
