Gazetari “News24”, Artan Hoxha nuk ka mundur t’i marrë telefonat që i sekuestroi Prokuroria e Krimeve të Rënda të enjten e kaluar.
Artan Hoxha është paraqitur mesditën e sotme në Prokurorinë e Krimeve të Rënda, ku pati një bisedë informuese me prokurorin e çështjes, me të cilin foli për rrethanat e hetimit.
Hoxha bëri të ditur për News 24 se prokurori e kishte njoftuar se telefonat do të qëndronin në prokurori, pasi nuk janë ç’koduar ende. Mësohet se prokurori i kërkoi bashkëpunim gazetarit për kodet e sigurisë së telefonave, por ai pranoi.
“Telefonat e mi nuk janë hapur deri tani. Mu kërkua që të bashkëpunoja me kodet e sigurisë. Nuk dorëzova kodet, telefonat nuk u hapën. Nëse nuk pranoj të dorëzoj kodet, telefonat do i hapin vetë. Burimet e informacionit nuk duhet të preken. Telefonat do jepen kur të marrë vendim grupi hetimor”, deklaroi Hoxha.
