Sekretari për Aksionin Qytetar në PD, Ervin Salianji ka ironizuar kryeministrin Edi Rama lidhur me përurimin e murit të kujtesës për policët e rënë në krye të detyrës ditën e djeshme.
“Rama nderon policët ndërkohë që ka bërë deputetë, kryetarë bashkie, drejtorë e shefa të rëndësishëm; trafikantë, tutorë, vrasës, e banditë, pikërisht të inkriminuarit me të cilët dëshmorët e policisë kanë luftuar”, tha Salianji.
Në një deklaratë për mediat, Salianji i drejtoi disa pyetje Ramës që ishte në Pukë. “A ka qënë kryetari i tij i Bashkisë Pukë, Gjon Gjonaj i akuzuar për tentativë vrasje ndaj shtetasit, Gj.N, në vitin 1997?
A ka qënë po ky kryetar i Ramës, i dënuar për kontrabandë në Lezhë?
A ka dijeni Rama që zona Luf¬Qerret, ku Edi Rama ishte bujtës në kafen e Arben Frrokut, është e mbushur me kanabis dhe ruhet nga shoferi i kryetarit të Bashkisë?
A ka dijeni Rama që e gjitha kjo bëhet nën kujdesin e nën mbrojtjen e shefit të komisariatit Hamdi Shullani?
“Ky inkriminim i pushtetit, kjo mbrojtje e krimit, ky kanabizim i vendit, është armiku më i madh i policisë, dhe i shqiptarëve.
Eshtë koha që shqiptarët të bashkohen e të mbrojnë vendin, të mbrojnë të ardhmen e tyre nga krimi, nga bandat, nga trafikantët, nga karteli i drogës së Edi Ramës. Shqipëria më mirë pa Edi Ramën”, tha Salianji.
