Policia e Tiranës ka arrestuar autorin e plagosjes me thikë të 15-vjecarit në gjimnazin “Andon Zako Cajupi” në Tiranë. 15-vjeçari Kristi S., mbeti i plagosur rëndë pas një sherri që dyshohet se kishte motiv një femër me të riun Marsel Suli. Sipas informacioneve nga bluzat e bardha 15-vjecari është plagosur rëndë, pasi thika i ka prekur arterien e këmbës.
Policia thotë se për ngjarjen në fjalë ka arrestuar autorin e dyshuar, ndërsa janë shoqëruar edhe 4 persona të cilët dyshohet se kanë dijeni lidhur me konfliktin.
Të rinjtë kanë nisur të zihen brenda ambienteve të shkollës dhe më tej kanë dalë edhe jashtë. Në polici është shoqëruar edhe roja i shkollës për faktin se nuk duhet të kishte lejuar që nxënësit të dalin jashtë.
