Enca Haxhia ka pasur një ditë jo të zakonshme. Ajo ka qenë e temë e mediave rozë për linjat trupore, por kësaj radhe Enca vjen me një lajm të mirë.
Këngëtarja ka rrëfyer disa prej detaje të jetës studentore deri në ditën e sotme, kur edhe është diplomuar, transmeton Telegrafi.
Enca ka kryer fakultetin filologjik në një universitet privat, përkatësisht në drejtimin “Marrëdhënie me publikun”.
“Me siguri shumica prej jush nuk e dinit por vitet e fundit kanë qenë kaq të ngarkuara dhe të lodhshme për mua. Nuk ka qenë aspak e lehtë të kaloja brenda ditës nga “jeta e popstarit” ku cdo gjë rrotullohet rreth udhetimeve/fames/luksit/fansave/koncerteve në një realitet krejt tjetër, pra në jetën studentore ku mund të luftoja vetëm me penë në dorë.
Gjithmonë kam menduar se para se ta quash veten artist, duhet të jesh NJERI dhe kjo nëpërmjet edukimit gjithashtu. Do të doja t’i kisha ndjekur me rregullisht studimet megjithatë mendoj se kam bërë më të mirën time duke konsideruar se kohët e fundit kam udhëtuar pothuajse përditë nga 600/700 km vetëm për të mos humbur provimet finale dhe paralelisht të mos ndaloja aktivitetet artistike. Shumë stres, lodhje, netë pa gjumë por besoj se ja vlejnë. Mund të ngjajë si klishe, por këtë mesazh doja ta ndaja me të gjithë fansat e mi, sidomos ata më të rinjtë. Perderisa po e lexon këtë dmth që ke një iphone/pc, ke internet pra dmth, je me fat dhe i ke të gjitha mundësitë financiare për të ndjekur shkollën. Më në fund u diplomova”, shkruan Enca.
