Mediat italiane raportuan dje se Lorik Cana shihej si përforcimi i duhur për mbrojtjen e ekipit ku luajnë edhe shqiptarët Memushaj e Manaj.
Por ish-kapiteni i Kombëtares shqiptare ka hedhur kategorikisht poshtë mundësinë e rikthimit në Serinë A, ku më herët ka veshur fanellën e Lacios.
“Nuk kam pasur asnjë kontakt me Peskarën. Këto informacione i kam dëgjuar nga mediat dhe dua të theksoj se asgjë nuk është e vërtetë në lidhje me këto zëra të përhapura”, deklaroi mbrojtësi për “Albeu”-n.
Që prej përfundimit të Kampionatit Evropian, Cana nuk është rikthyer në fushë, ndërsa në gusht e ndërpreu zyrtarisht edhe kontratën me francezët e Nantës. Kjo e bën atë lojtar të lirë e që mund të nënshkruajë në çdo kohë me çdo klub, gjithnjë nëse vetë lojtari vendos ta vazhdojë karrierën në futbollin e luajtur.
