Pas vdekjes tragjike të nënës shtatëzënë në maternitetin “Koço Gliozheni”, arrestimi i tre mjekëve ka bërë bashkë të gjithë mjekët e këtij materniteti për të protestuar në përkrahje të kolegëve të tyre.
Mjekët protestojnë kundër arrestimit të dy kolegëve të tyre, Dritan Decka dhe Helidon Klosi, të cilët u shoqëruan mbrëmjen e së shtunës nga policia, pasi dyshohet se vonuan shërbimin për 35 -vjeçaren shtatzënë Aida Çajku. Ata i quajnë të nxituara veprimet e Prokurorisë dhe Policisë për ndalimin e dy mjekëve, pasi për ta nuk është provuar fajësia. Mjekët thonë se duhet të shprehet ekspertiza mjeko¬ligjore dhe analiza klinike e rastit, dhe më pas të veprohet .
