Në mesin e gjërave që frikësojnë fëmijët pa dyshim është edhe fobia nga errësira. Ndonjëherë kjo frikë na shoqëron gjatë, madje edhe tërë jetën.
Ja mënyrat për të luftuar frikën nga errësira:
Më trego një histori- Frika nga errësira është e shpeshtë tek fëmijët dhe për t’i ndihmuar ta superojnë atë ju duhet t’i tregoni atyre histori ku fëmijë të tjerë e kanë kaluar këtë frikë dhe kanë “fituar” ndaj errësirës, duke ia servirur këtë të fundit si diçka krejt normale.
Drita – Një nga mënyrat më të buta dhe të përhapura për të kontrolluar dhe menaxhuar frikën e fëmijëve ndaj errësirës, është për të lënë një dritë të vogël ndezur gjithë natën. Dritën mund ta fikni sapo fëmija të ketë arritur një fazë të gjumit të thellë.
Një mik për ta shtrënguar – Një tjetër mënyrë klasike (shpesh vendimtare) për të larguar frikën e fëmijës nga errësira, është kukulla apo arushët, të cilët fëmija i mban shtrënguar gjithë natën. Ato i japin fëmijës ndjesinë se ai nuk është vetëm.
Vetëm kujdes: Nuk duhet të nxitoni për t’ja larguar fëmijës frikën nga errësira. Madje është e ndaluar për të bërë krahasime me shokët e klasës apo miqtë.
Zëri i mamit dhe babit– Kur fëmijët kanë frikë nga errësira, shpesh shkojnë për të fjetur në mes të mamit dhe babit. Ose, thërrasin prindërit që të sigurohen. Pra, bëni që zëri juaj të dëgjohet nga fëmija gjatë natës. Thjesht, për një periudhë, mund t’i lini hapur dyert e dhomës dhe të përpiqeni për ta siguruar fëmijën duke i folur nga distanca.
Mankthet, sa të frikshme! – Nëse frika nga errësira është e lidhur edhe me makthe të përsëritura, të cilat minojnë qetësinë e fëmijës, atëherë është mirë ta hetoni mirë situatëb. Në fakt, fëmija mund të ketë trauma që nuk e lejojnë të kalojë një natë të qetë. Ideale është që të ndihmohet në këtë proces nga një ekspert.
Burimi: TgCom24
