Partia Demokratike ka akuzuar sërish maxhorancën se po tenton shtrembërimin e Kushtetutës së re të miratuar mesnatën e 21 korrikut me konsensusin e partive politike dhe ndërhyrjen e ndërkombëtarëve.
Deputeti demokrat Oerd Bylykbashi, pas daljes nga mbledhja e Komisionit të Posaçëm të Reformës në Drejtësi, tha se mazhoranca kërkon të shkatërrojë konsensusin e arritur me një ligj të vetëm duke bërë ndërhyrje në Kushtetutë për pikën e debatuar të emërimit të gjyqtarëve dhe prokurorëve.
“Mazhoranca kërkon që me ligj të zhbëjë kushtetutën e miratuar më 21 korrik. Me ligj duan të zhbëjnë konsensusin politik dhe germën e nenit 147. Kërkojnë të caktojnë emra të caktuar, atë që donin të bënin dikur. Ne e votuam kundër dhe prandaj dolëm nga komisioni. Është e kot çdo lloj debati që thyejnë konsensusin dhe kushtetutën. Po fusin organe që nuk ekzistojnë në Kushtetutë. Përpiqen t’i shesin si procedurë, por po shtojnë organe jo kushtetuese që do të filtrojnë punën e Kuvendit”, u shpreh Bylykbashi.
