Policia italian ka kapur në Brindisi një gomone më 1 ton kanabis, që vinte nga Shqipëria.
Sipas raportimit të mediave italiane, gomonia ishte nisur nga brigjet e Vlorës, dhe fillimisht në ndjekje të saj është vënë policia jonë kufitare, por mjeti lundrues i ngarkuar me drogë ka mundur të depërtojë duke u larguar drejt ujërave të Italisë.
Pala Italiane, e cila ishte njoftuar më parë nga pala shqiptare ka bërë të mundur kapjen e gomones në Brindisi. Mësohet se në mjet kanë qenë 2 persona, emrat e të cilëve nuk bëhen publikë.
