Një vajzë 19- vjeçare nga Vau i Dejës, ka tentuar që t’i japë fund jetës në një mënyrë të dhimbshme.
Gjatë ditës së djeshme, e reja me iniciale Xh.Sh., është vetëhelmuar me lëndë helmuese. Ajo është gjetur nga familjarët në gjendje kritike, të cilët e kanë dërguar me urgjencë në spital. Pas dhënies së ndihmës së nevojshme nga bluzat e bardha e reja, ndodhet jashtë rrezikut për jetën.
Nga të dhënat paraprake hetimore, dyshohet se akti i rëndë është kryer në gjendje të rënduar depresive, pasi e reja kishte shfaqur simptoma mërzie dhe trishtimi kohëve të fundit. Gjithsesi 19- vjeçarja nuk ka dhënë detaje për motivin që e ka shtyrë drejt një akti të tillë, ndërsa për ndjekje të mëtejshme, materialet i kaluan Prokurorisë së Shkodrës.
