Një foto e publikuar në rrjetet sociale shfaq një gomar i cili është sulmuar nga një ujk.
Ngjarja raportohet të ketë ndodhur sot afër rezervuarit të fshatit Kryekuq, pranë parkut Kombëtar të Divjakës në Karavasta.
Lajmi është konfirmuar edhe nga drejtori i Parkut Kombëtar të Divjakës, i cili theksoi se bëhej fjalë për 3 ujqër, dy prej të cilëve ishin këlyshë.
Sipas tij, dëshmitar i ngjarjes është bërë roja i një stani aty pranë parkut.
