Gjykata e Krimeve të Rënda ka dhënë dënimin burg për jetë për ish-gardistin Admir Dervishi, i cili vrau bashkëshorten e tij.
Për shkak se Gjykata pranoi kërkesën për gjykim të shkurtuar të 29–vjeçarit nga Tepelena, ai do të vuajë 35 vite duke përfituar ulje dënimi me 1/3.
Ish-gardisti ka shfaqur pendesë dhe ka kërkuar mëshirë në gjykatë.
Admir Dervishi qëlloi me tre plumba mëngjesin e 6 prillit bashkëshorten e tij Ilda Dervishi, ndërsa motivi sipas dëshmive të autorit në polici ku dhe u shoqërua menjëherë pas krimit lidhet me xhelozinë.
Vrasjen e kreu në sy të dy fëmijëve të tyre, të cilët tani me nënën e vdekur dhe babain përjetë në burg, do të jenë nën kujdesin e shtetit.
