Pas humbjes në Dibër, ndaj kryedemokratit Lulzim Basha kanë vërshuar një sërë kritikash nga deputetët e djathtë.
Por në mbrojtje të Bashës ka dalë sot ish-ministri i qeverisë “Berisha”, Genc Ruli.
Gjatë një takimi në Maliq, demokrat tha se beteja e vërtetë e demokratëve duhet të jetë me kundërshtarin dhe jo mes tyre.
“Partia Demokratike duhet të jetë përçuese e mentalitetit perëndimor. Betejën sot e kemi me kundërshtarin politik, jo me veten. Nesër është beteja jonë e madhe. Kjo do jetë fushata më e vështirë në këto 25 vite. Sot kemi regjimin qe nuk ka dalë nga vota”- tha Ruli.
Sipas Rulit, PD-ja në Dibër humbi prej bandave. “Dibra tregoi se e keqja është e madhe, por kjo është republika e kanabisit. Kjo mortje duhet mbytur në 2017. Nëqoftëse ka një forcë që ka mundësinë për të rrëzuar këtë pushtet, jemi vetëm ne, PD”, tha ai.
