Qeveria e ka lënë pas dore veriun në investimet e saj dhe qytetarët kanë përfituar për t’i kujtuar me ironi këtë fakt kryeministrit Edi Rama.
Ata kanë shfrytëzuar një foto të Ramës në Facebook, ku ky i fundit tregonte se kishte kaluar një mëngjes ndryshe në Vermosh.
Komentuesit i kanë kujtuar Ramës mungesën totale të infrastrukturës, duke e ironizuar që ka mundur të shkojë në veri përmes rrugës së bërë nga ish-qeveria “Berisha”.
“Paske shku deri aty ku ka rregullu rrugen Berisha. Po me vjen keq qe s’keni vazhdu rrugen kishte kene nje eksperience e paharrueshme..”- i shkruan një qytetar.
Këtij komentuesi ka vendosur t’i përgjigjet vetë Rama, duke i shkruar se: “Eh ne fakt jo, rruga eshte duke u ndertuar tani deri ne fund”.
Por në komentet e tjera ndaj Ramës kanë vërshuar një sërë kritikash. Një nga komentuesit duke komentuar në foton e tryezës së ushqimit në mëngjesin e kaluar në Bujtinën e Fratit, i shkruan kryeministrit duke e mallkuar: ‘Të ngeltë në fyt…’
