Gjykata e Korçës caktoi masën “arrest me burg” për 17-vjeçarin Fabian Muçllari. Para tre ditësh ai vrau me kallashnikov bashkëmoshatarin e tij, Fabio Hila, pas një sherri.
17-vjeçari Fabian Muçollari qëlloi me automatik të riun tjetër Fabiol Hila, pasi dyshonte se i ngacmonte të dashurën. Dy të rinjtë ishin konfliktuar në rrjetet sociale, ndërsa të martën Fabian Muçollari ka shkuar në lokalin ku bashkëmoshatari i tij po qëndronte dhe e ka qëlluar me automatik. Sipas policisë, 17- vjeçari Hila ndërroi jetë rrugës për në spitalin rajonal, për shkak të plagëve.
Menjëherë pas vrasjes, autori i krimit është larguar duke ecur në këmbë bashkë me armën e krimit. Por vetëm pas disa minutash nga vrasja, policia arrestoi autorin Fabian Muçllari, disa metra larg vendit të krimit.
