Ndalimi i pilotit italian në Shqipëri ka tërhequr edhe vëmendjen e mediave përtej Adriatikut.
Kështu, prestigjiozja italiane “La Repubblica” duke shkruar për uljen e avionit të vogël në zonën e Ishmit në Durrës, jep disa detaje duke cituar se piloti Guido Guidi avioni i të cilit mbeti i bllokuar në territorin shqiptar dyshohet se ka lidhje me klane kriminale të trafikut të drogës dhe armëve dhe trafikimin me avionë me anë të pistave sekrete në Bari e Brindizi.
La Repubblica shkruan se piloti italian ishte arrestuar në 2006 pas një aksidenti të ndodhur në 2003 ku kishin humbur jetën dy persona dhe ku Guidi ishte pjesë e kompanisë së avionëve Eurojet.
