Megjithëse shkolla ka nisur prej dy ditësh, nxënësit nuk janë pajisur ende me libra. Ndonëse Ministrja e Arsimit tha se librat do të ishin që prej fillimit të shtatorit në librari, prindërit dhe nxënësit vijojnë të mbajnë radhë për t’i marrë ato, pasi ka mungesa.Në foton e bërë sot nga Boldnews, shihet një librari në rrugën “Hoxha Tahsim”, ndërsa edhe jashtë saj ka dhjetëra prindër e nxënës që presin të blejnë.
Radhët janë krijuar për shkak të mungesës që justifikohet me faktin se mungon pulla e sigurisë, apo ka moskoordinim të strukturave përkatëse të MAS.
E deri sa këto probleme të zgjidhen, ndoshta do ketë filluar semestri i dytë dhe prindër e nxënës duhet të presin ende në ‘radhën e qumështit’ si dikur në diktaturë.
