Një miliarder italian, i cili mendonte se bashkëshortja e tij ishte rrëmbyer, zbuloi të vërtetën në mënyrë më të keqe të mundshme.
Gianluca Cervera telefonoi policinë duke menduar se ish-Miss Ukraina, Anna Zaiachkivska, gruaja e tij kishte rënë viktimë e një rrëmbimi.
Por shumë shpejt ai gjeti foto të gruas së tij të re me një burrë në një hotel me pesë yje në rrjetin social Instagram, me nënshkrimin “freedom” (liri), disa muaj pas martese.
Cervera do e padisë tashmë atë për thyerje të marrëveshjes dhe vjedhjen e 5000 paundëve dhe një telefoni celular.
Por Zaiachivska deklaroi se kishte ikur sepse burri i saj kishte ngritur dorë mbi të dhe se ishte lodhur duke jetuar në një “kafaz të artë”.
24-vjeçarja ishte e inatosur sepse Cervara nuk i kishte kushtuar vëmendje mjaftueshëm, kur ajo kishte pasur dhembje koke për javë me radhë.
